分享至微博
分享至 Facebook
列印

CY:唔識養錦鯉

05 - 04 05:00
CY(左圖)噚日喺禮賓府同傳媒茶敘,左手戴住隻膠表。據佢講,隻表嚟自建築師學會,佢前幾日用成百蚊換咗個扣。不過,Emily反而記得CY舊年年底喺人大選舉主席團會議戴住另一隻皮帶表(右圖)。(林凱旻攝)
CY(左圖)噚日喺禮賓府同傳媒茶敘,左手戴住隻膠表。據佢講,隻表嚟自建築師學會,佢前幾日用成百蚊換咗個扣。不過,Emily反而記得CY舊年年底喺人大選舉主席團會議戴住另一隻皮帶表(右圖)。(林凱旻攝)

【明報專訊】上任特首曾蔭權(Donald)喺禮賓府養錦鯉,但人走茶涼,唔少市民關心特首梁振英(CY)入主禮賓府後,Donald所養嘅錦鯉嘅情况。CY噚日請記者到禮賓府茶敘,有記者問到Donald個錦鯉池仲喺唔喺度?CY即刻話「喺度」,但佢就坦言唔識養錦鯉。不過,問到會唔會物歸原主,CY就笑而不語,睇嚟無咁嘅打算。

鯉歸原主? CY笑而不語

CY噚日主要喺禮賓府嘅ball room(宴會廳)招呼記者,講到禮賓府喺佢入主後有乜改變時,佢話上年打風ball room嘅漏水情况,搞到要擺水桶陣,因此禮賓府啱啱換晒屋頂嘅瓦片。但因為禮賓府係法定古蹟,所以要去佛山訂一模一樣嘅瓦片,仲要經古物諮詢委員會睇過,先可以重鋪瓦頂。早前有報道提及,禮賓府為咗做例行維修及度身訂做裝修工程,就用咗1485萬元。

佛山訂瓦片補屋漏

茶敘原本喺花園進行,但因為噚日落雨,移師室內。CY提到有喺禮賓府繼續種嘢,最近就種瓜。講到呢度,CY電話突然響起,原來係打錯,有記者笑笑口話,唔知係咪「西環」打嚟,所以CY先至唔聽喎。

分享至微博
分享至 Facebook
列印
關鍵字:港聞
新浪推介