【東方日報專訊】用iPod或PMP睇片，想幾時睇都得，確實很方便，不過經常要轉換影片格式，所花的時間分分鐘夠睇一齣劇集，似乎有點本末倒置。ASK較早前推出過一款稱為「MP5 Player」的PMP，賣點是支援多種不同的影片格式，毋須轉片直接播放，咁方便，難怪推出不久即斷貨。買唔到的用家也不用失望，因為同樣唔使轉片的新機ASK 8313近日上市，無論MOV、MPEG、AVI、RMVB、3GP、ASF，甚至是Flash動畫都難不倒它，一部機同時兼備睇片、睇相、聽歌、電子書、遊戲、FM收音機和錄音功能，並支援ID3歌詞同步顯示。然而最吸引的還是新機那纖薄的銀色金屬設計，以及更平更抵玩的售價。

撰文：陳若冰　攝影：陳富權　查詢電話：3173 2555