Alex與優希攬埋一齊合照，不怕鄧麗欣吃醋嗎？
娛樂     
小方中日情史嚇窒火辣女模
2008-07-04

【東方日報專訊】方力申（Alex）前日與性感日籍女模山本優希，在烈日當空下拍攝相機廣告，當Alex提到初戀女友是日本妹時，優希表示相當緊張，Alex笑言：「可能驚我『猴』住佢！」

Alex獲廣告商垂青，加碼續約相機代言人，前日就為新一輯電視廣告到西貢進行拍攝，導演更為Alex找來日籍惹火模特兒山本優希，兩人齊齊在海灘及泳池上「同陽光玩遊戲」，Alex可謂艷福不淺。

着比堅尼扭身扭勢

一身古銅色肌膚的優希，身穿性感比堅尼，更不時扭身扭勢，令現場不停升溫，問到Alex與優希齊齊沙灘上跑步，會否產生「Big」波「盪」漾的效果？Alex笑言：「唔知喎，大家一齊跑我乜都睇唔到，我仲要跑佢前面添，（咁慘？）我都好盪吓呀！」

不擅泳術驚驚青青

大隊在黃昏移師到戶外泳池拍攝水底鏡頭，Alex不停玩跳水降溫，由於優希不擅游水，顯得非常驚青，身為香港飛魚的Alex親自教路，Alex說：「今次係第一次見佢，真係好火辣，導演話佢知我個初戀女友係日本人，佢就即時好緊張，唔知係咪驚我『猴』住佢呢？（啱心水？）人哋第一次嚟香港，要留個好印象畀人，何況佢聽日走，只嘆有緣無分。」Alex明白女仔潛水好辛苦，願意配合對方，就算不停NG都無問題。

採、攝：音樂組