【東方日報專訊】為紀念張國榮（哥哥）逝世五周年，十多位歌手紅星在紅館凝聚力量，演繹哥哥金曲緬懷故人。自嘲唱歌渣的梁朝偉，寧願死掉細胞亦要開金口，而學友因多位好友離去飽受打擊，突然變孤僻，將屋企當避難所不願見人，令人憂心。

為紀念哥哥逝世五周年，由陳淑芬（陳太）策劃的《Miss You Much Leslie繼續寵愛音樂會》，將於今晚和明晚假紅館舉行，演出藝人包括辛曉琪、梁朝偉、梁詠琪（GiGi）、張智霖、袁詠儀、許志安、陳松伶、陳潔靈、陳慧嫻、張學友、黃耀明、草蜢、鄭欣宜、葉德嫻、蘇永康及蘇施黃，其中偉仔和靚靚則只出席四月一日哥哥死忌的演出。

學友變得孤僻

這麼多好友出席，陳太極之感激，尤其是怕唱歌的偉仔也肯開金口，她說：「佢成日話唱歌好驚，有次�鶾q台活動，聽偉仔唱《當年情》，令自己好感動，佢唱歌好好聽，但又好大壓力，好感激佢將大壓力攬上身。」

曾與哥哥合演《春光乍洩》等作品的偉仔，綵排《風繼續吹》後接受訪問，問他是否很緊張？偉仔點頭說：「我幾年先唱一次歌，仲緊張過拍戲，不過咁有意義�翵ヾA懷念一個朋友，都係值得。今次表演唱歌，自己會死好多細胞，平時唔唱K，對上一次已經係三年前。」偉仔又否認嘉玲大肚。

擔任藝術總監的張學友也踢爆偉仔緊張不已：「佢成日打畀我，知佢好緊張，驚唱唔到好似哥哥咁，佢唔使擔心，我聽過都OK，冇乜問題。」自沈殿霞走後，心情剛平復的學友又要做哥哥騷，他說：「自從佢�]走後，世界好似怪怪�]，我都突然變得好孤僻，冇乜動力之餘，唔想出去見人，冇動力搵朋友，所以自己會少�囓X現，不過唔係逃避，只係要時間調整，當屋企係避難所。」

鄭欣宜有壓力

曾經為哥哥演唱會做嘉賓的莫文蔚，將穿上紅色高跟鞋演唱《紅》和《大熱》，而欣宜亦表示有點壓力：「我唱《儂本多情》，媽咪好鍾意呢首歌，除�鱁e畀哥哥聽，亦送畀媽咪聽，哥哥好型好英俊，所以一定要唱得好。」至於被傳大肚的陳松伶，昨日腹部未見異常。

文：音樂組

香港新浪新聞現已開設Facebook專頁，讓你即時掌握本地、中國、國際新聞、財經消息及天氣、交通等生活資訊，與朋友分享！快點到Facebook Like我們的專頁！[按此 Like]